Festival de Bandas de Solfa, en Vidán - Compostela

Mañá, sábado 23 de maio, a Xove Banda de Narón desprazarase ata a parroquia compostelá de Vidán, onde participará no I Festival de Bandas de Música Popular que se enmarca nas festas do San Mauro de Vidán (Santiago de Compostela) e organizado pola Asociación Cultural e Musical Solfa das Fontiñas.

Actuarán ademáis da XBN as bandas de Lousame e a propia banda de Solfa. AQUÍ podedes consultar o programa do festival.

O autobús sairá do Pazo da Cultura de Narón ás 16 horas da tarde. Rógase a maior asistencia e puntualidade.

Vídeos da Xove Banda de Narón na Semana Santa de Ferrol

Luns Santo: Procesión de Cristo Rei e a Virxe da Amargura

1:50 - Cristo de la Defensión 

14:20 - fragmento de Cristo de la Lanzada e continúa en 15:23 co trío de Jerusalen de ao lonxe.

Ao principio aparecemos tocando Caridad del Guadalquivir.

Mércores Santo: Procesión da Penitencia

Primeira aparición ao lonxe con Mater Mea no minuto 7:00. En 9:43 comezamos Jerusalen. 11:52, Mater Mea en Amboage.

Venres Santo: Procesión de Nosa Señora das Dores - Santo Encontro

Aínda que saímos en imaxe uns segundos antes mentres continúa soando a Banda Municipal de Cedeira, a nosa primeira intervención coincide coa saída da virxe da igrexa de Dores, no minuto 7:30, o vídeo capta os últimos sons do himno de España e continúan soando de fondo os compañeiros de Cedeira. No 8:38 comeza Mater Mea. No 10:22 pasamos á Saeta.

Despois disto prosigue o vídeo na praza onde se van desenrolando os diferentes encontros, ata o 14:34 que volve a virxe a ser protagonista, e soa Caridad del Guadalquivir. 

Logo de producirse o encontro, reorganízase a procesión de volta a Amboage, A partires do 25:15 saímos da praza con Cristo de la Defensión.

Por último este completísimo vídeo móstranos tamén a retirada dos catro tronos ao corralón de Dolores, no 34:05 chegamos nós á praza de Amboage con Jerusalen.

Saeta, na rúa Dolores.

#Ferrol

Un vídeo publicado por @belopga el 3 de Abr de 2015 a la(s) 3:56 PDT

Caridad del Guadalquivir, entrando na Praza de Armas.

Procesión del Santo Encuentro: Virgen de Dolores (Ferrol, Galicia) // #semanasanta #semanasanta2015 #holyweek #ferrol #acoruña #galicia #spain #video #visitspain

Un vídeo publicado por Trevor Huxham (@trevorhuxham) el 3 de Abr de 2015 a la(s) 6:49 PDT

O noso máis sincero agradecemento ao youtuber inaxete, sen os seus videos sería imposible facer este resumo do noso paso pola semana santa ferrolá.

Vídeos do VIII Certame galego de bandas de música

Dende hoxe, a Federación Galega de Bandas de música populares pon a disposión na súa canle en youtube os vídeos do VIII Certame Galego de bandas de música, celebrado o 16 de novembro de 2014 no auditorio de Galicia de Santiago de Compostela.
Estos son os da participación da Xove Banda de Narón na sección 2ª, coa que acadamos o 3º premio.

En primeiro lugar, o pasodobre Narón, Terra de Trasancos de Miguel Brotóns Pérez. O pasodobre non puntúa pero é unha boa carta de presentación.

En segundo lugar, a obra obrigada gañadora do concurso de composición da FGBMP, Aires do Norte de Jaime Ismael Enguídanos Royo. 

E por último a obra que escollemos como obra libre, Solemnitas de Franco Cesarini. 

XII Encontro de Bandas de Música de Narón

DOMINGO, 19 de abril de 2015

17 horas

Pazo da Cultura de Narón

Entrada: 2 €

As entradas poderán retirarse no despacho de billetes do Pazo da Cultura a partir do 6 de abril, en horario de 10:30 a 14:00 e de 18:00 a 20:30 de luns a venres, e os sábados de 10 a 13 e de 17 a 20.

Participarán as seguintes bandas:

• Banda de Música de Solfa
• Agrupación Músico-Cultural de Ribadumia
• Xove Banda de Narón

A Xove Banda de Narón no ciclo "Música no Camiño" - 2015

A XBN preparándose para actuar na anterior edición de "Música no Camiño"

A Xove Banda de Narón volverá a participar na edición deste ano do ciclo "Música no Camiño" desenvolto pola dirección de Turismo da Xunta de Galicia, o Xacobeo e a Federación Galega de Bandas de Música.

A banda interpretará un programa de música galega na praza da Inmaculada (diante da porta de acibechería da catedral compostelá) sobre as 13 horas do mediodía (ao remate da misa do peregrino) como agasallo aos turistas e a quenes finalizaron o camiño de Santiago. Se o tempo non o permite, o concerto terá lugar a cuberto, dentro do Mosteiro de San Martiño Pinario. 

Nesta ocasión a cita cae máis cedo, e o concerto celebrarase o vindeiro domingo 26 de abril.

Repertorio para a Semana Santa 2015

Última semana para repasar as marchas que formarán parte do noso repertorio durante os desfiles procesionais desta Semana Santa -e do resto da tempada. Axustade os vosos atriles de man e revisade ben as partituras porque o vindeiro sábado teremos o último ensaio para poñer todo a punto. 

Ás marchas que tiñamos dos anos anteriores imos a sumar varias novidades, quedando o repertorio da seguinte maneira:

• Mektub - Mariano San Miguel
• Mater Mea - Ricardo Dorado Janeiro
• Jerusalén - José Vélez García
• Caridad del Guadalquivir - Tema de Paco Lola, arr. de José Puntas
• Pescador de Hombres - Tema de Cesáreo Gabarain, arr. de José Lillo Tormo
• Saeta - Tema de Joan Manuel Serrat, arr. de Guillermo F. Ríos
• Cristo de la Defensión - Abel Moreno
• Cristo de la Lanzada - Rafael Márquez Galindo

A Xove Banda de Narón na Semana Santa de Ferrol - 2015

Quedan 15 días para o comezo da Semana Santa. Este ano afianzamos a nosa presenza nos desfiles procesionais da veciña cidade departamental, participando en tres procesións da Confradía das Dores.

Cartel da Semana Santa Ferrolá 2015

• Luns, 30 de marzo.

Procesión de Cristo Rei e a Virxe da Amargura: Saída ás 22 horas da Praza de Amboaxe. Percorrido polas rúas do centro acompañando ao trono de Cristo Rei.

Os músicos estamos convocados ás 21:30 na Praza de Amboaxe.

• Mércores, 1 de abril.

Procesión da Penitencia: Saída ás 22 horas da Praza de Amboaxe. Percorrido polas rúas do centro acompañando á imaxe do Cristo Xacente.

Ao igual que o día anterior, os músicos estamos convocados ás 21:30 horas.

• Venres, 3 de abril.

Procesión de Nosa Señora das Dores - Santo Encontro: Saída ás 12:00 horas da Praza de Amboaxe, rumbo á Praza de Armas onde terá lugar o encontro, logo regreso a Amboaxe. Acompañaremos ao trono da Virxe das Dores.

Os músicos estamos convocados ás 11:30 na Praza de Amboaxe.

San Xosé en Pedroso

Hai varias datas nas que tódolos anos temos concerto, unhas citas tradicionais que nos unen co pasado da nosa banda: o concerto de fin de ano, o concerto do Couto e este concerto de Pedroso. Os anos pasan e aparecen e desaparecen certames, festivais, encontros, festas, procesións... pero estes tres concertos sempre estiveron e polo de agora seguirán estando na nosa axenda. 

O vindeiro domingo 22 de marzo, estaremos no local da Asociación Cultural e Recreativa "A Pombiña" de Pedroso para festexar o San Xosé e agasallar aos veciños cunha selección de pezas festivas. O concerto comezará ás 18 horas do serán, haberá un autobús para os músicos dende o Pazo da Cultura ás 17:15 horas.

Local da A.C.R. "A Pombiña" de Pedroso (Narón)

A Xove Banda de Narón no programa "Aquí Galicia" da TVG

Se cadra aínda vos lembrades da nosa actuación no programa LUAR…

...pois, sorpresa! Acábannos de avisar de que a Televisión de Galicia se puxo en contacto connosco para que abramos o programa "Aquí Galicia" que se vai a emitir en directo este vindeiro sábado (pasado mañá) dende a Praza de Galicia de Narón.

Volveremos a interpretar o pasodobre Reloucar, do mestre Ricardo Dorado Janeiro, aínda que nesta ocasión non acudirá a banda ao completo senón unha -numerosa- representación, pois o escenario será pequeno.

Para os que vaiades -ou veñades- a vernos, o programa comeza ás 16:30 horas da tarde. Os músicos da Xove Banda de Narón deberemos estar alí ás 15.45 horas para preparar todo, pois somos os primeiros en actuar para abrir o programa.

Lembrade, este sábado temos unha cita coa televisión de Galicia.

Concerto de Fin de Ano

O vindeiro domingo 28 de decembro tedes unha cita no Pazo da Cultura de Narón co concerto máis tradicional da A.C.M. "Sementeira", co que despedimos o ano compartindo a nosa mellor música convosco.

Seguindo o ritual como adoita acontecer, abrirá o concerto a Banda Infantil Sementeira, que ás ordes do mestre Eusebio López Egea faranos sentir moi orgullosos dos seus logros e desexando que os rapaces medren para poder incorporalos á "banda grande".

Logo disto será o turno dos maiores, o que sempre é o prato forte e pon os dentes longos aos cativos da "bandita", a actuación da Xove Banda de Narón. Francisco Sanramón Calvo dirixirá a unha formación que vén de revalidar por terceira vez un terceiro posto no Certame Galego de Bandas, e que ofrecerá un programa que abarca dende as obras do certame que tanto nos acompañaron estes últimos meses ata a estrea absoluta dun novo pasodobre adicado á banda, pasando por algunha peza case "mítica" da música galega e moitas cousas máis...

Agardamos a vosa presenza, que temos sitio abondo para todos vós!

Lembrade:

Banda Infantil Sementeira

Xove Banda de Narón

Domingo 28 de decembro, ás 19 horas do serán

Pazo da Cultura de Narón  - Prezo: 2€

A Xove Banda de Narón no ciclo "Música no camiño"

Praza da Inmaculada. Porta de acibechería

O vindeiro domingo día 30 de novembro a Xove Banda de Narón ofrecerá un concerto en Santiago de Compostela, no marco do ciclo "Música no camiño" desenvolto pola dirección de Turismo da Xunta de Galicia, o Xacobeo e a Federación Galega de Bandas de Música.

Unha das primeiras actuacións do ciclo Música no Camiño

A banda interpretará un programa de música galega na praza da Inmaculada (diante da porta de acibechería da catedral compostelá) sobre as 13 horas do mediodía (ao remate da misa do peregrino) como agasallo aos turistas e a quenes finalizaron o camiño de Santiago. Se o tempo non o permite, o concerto terá lugar a cuberto, dentro do Mosteiro de San Martiño Pinario.

Sairá o autobús para os músicos do Pazo da Cultura de Narón ás 10:15 da mañá, o regreso está previsto para pola tarde, despois do xantar. Prégase coma sempre a maior asistencia e puntualidade posibles.

LEMBRADE, que dende este sábado os ensaios volven a ser no Pazo da Cultura, como vén sendo habitual. É moi importante asistir aos poucos ensaios que faltan deste ano, pois hai que preparar o programa do domingo e tamén algo especial para o esperadísmo Concerto de Fin de Ano, que xa podemos adiantar que será o domingo 28 de decembro...

Novembro non remata co certame.

Aínda seguimos coa resaca do VIII Certame Galego de Bandas de Música, pero o show debe continuar. Temos unha axenda relativamente completa para rematar este ano.

• Mañá, martes 18 de novembro, a Banda Infantil Sementeira participará nun programa especial de Radio Voz sobre Narón, que se retransmitirá en directo dende o Pazo da Cultura. A entrada é libre e gratuíta.

• O sábado 22, Santa Icía, temos reunión de músicos ás 10:30 e ensaio ás 11 no auditorio. Pero ademáis, CEA pola noite en Casa Juanito. A lista para apuntarvos segue cologada no auditorio. Rógase máxima asistencia, que hai moito que ensaiar pola mañá e moito que festexar pola noite.

A Xove Banda de Narón na Picota (2012)

Xove Banda de Narón no Couto (2012)

• O domingo 23, Día de Narón, actuaremos ás 18 horas na XXIII edición do ciclo "Tempo de Música" que organiza a A.VV. do Couto no Local Social da Picota, onde compartiremos escenario cos anfitrións da Coral "Amistad" do Couto.

• O domingo 30 de novembro voltaremos a Santiago de Compostela, esta vez dentro do ciclo de concertos "Música no camiño" que se desenrolará ás 13 horas (ao remate da misa do peregrino) na Praza da Inmaculada (porta Norte da Catedral, Acibechería).

VIII Certame Galego de Bandas de Música da FGBMP

O vindeiro domingo 16 de novembro a Xove Banda de Narón participará na sección segunda do VIII Certame Galego de Bandas de música organizado pola Federación Galega de Bandas de Música Populares no Auditorio de Galicia, en Santiago de Compostela. Está prevista a nosa actuación na Sala Brage ás 18:10 h. do serán. 

Prmieira participación no certame da Xove Banda de Narón (2008)

Programa

Narón, Terra de Trasancos 

pasodobre (Miguel Brotóns Pérez, 2006) 

Aires do Norte

obra obrigada da sección segunda (Jaime Ismael Enguídanos Royo, 2013) 

Solemnitas 

obra libre (Franco Cesarini, 2002) 

Información importante para os músicos (e familiares): 

• É obrigatorio ir provistos do D.N.I. 

• Saída do bus dende o auditorio municipal de Narón, na Praza de Galicia, ás 14:30 horas. 

• Quenes vaian pola súa conta deberán estar no Auditorio de Galicia (Burgo das Nacións, Santiago de Compostela) ás 16:15 horas. 

• Cronoloxía (puntuable): 

• 17:00 horas: Entrada ao auditorio 

• 17:15 horas: Box 6 (camerino): Montar instrumentos, vestirse e proveerse de todo o necesario para tocar. Último contacto "co exterior" (un membro da directiva). 15 MINUTOS 

• 17:30 horas: Control de firmas. Sala Mozart. Afinación, quencemento e concentración. 30 MINUTOS 
• 18:00 horas: Entrada e colocación no escenario da Sala Brage. 10 MINUTOS 
• 18:10 horas: Actuación. 40 MINUTOS. 
• 18:50 horas: Saída do escenario. 
• 18:55 horas: Recoller no Box 6. 10 MINUTOS 
• 19:05 horas: Saída 

• A lectura do veredicto do xurado está prevista inicialmente para as 22:30 horas da noite (despois de rematar a sección primeira). 

ÚLTIMOS ENSAIOS: 

• Venres 14, ás 21 horas: Ensaio Xeral. Prégase a máxima asistencia. 

• Sábado 15, ás 11 horas: Último repaso, puntos conflictivos, recordatorio de protocolo... 

Ánimo, só queda unha semana de esforzo.

Actuación en Bastavales (Brión)

Mañá domingo 14 de setembro, a Xove Banda de Narón realizará unha actuación (pequenos concertos e procesión) nas festas da parroquia de Bastavales, Concello de Brión (A Coruña). O autobús sairá do Auditorio Municipal de Narón (Praza de Galicia) ás 8:00 da mañá. O regreso está previsto pola tarde, despois do xantar.

Rógase a maior asistencia e puntualidade posibles.

A Xove Banda de Narón no programa LUAR da TVG

O vindeiro venres, 21 de marzo, a Xove Banda de Narón viaxará ata os estudios da Televisión de Galicia, en Santiago de Compostela para actuar no programa LUAR, que se emite esa noite en directo.

Non é a primeira vez que a banda visita o programa, e para esta ocasión escolleuse o pasodobre galego "Reloucar", do mestre coruñés Ricardo Dorado Janeiro.

Sairá o autobús do Pazo da Cultura ás 17:30 horas.

Repertorio Semana Santa 2014

Cando falta pouco máis dun mes, xa está decidido o repertorio de marchas de procesión que imos interpretar este ano:

• Mektub (Mariano San Miguel)
• Jerusalem (José Vélez García)
• Saeta (Joan Manuel Serrat)
• Pescador de Hombres (Cesáreo Gabaraín)
• Caridad del Guadalquivir (Paco Lola)

O vindeiro sábado faremos o ensaio xa desfilando, así que preparade ben os papeis e non esquezades vir cos vosos atriles de man.

A Xove Banda de Narón na Semana Santa de Ferrol 2014

Non deixamos os desfiles, despois da experiencia cos Magos de Oriente, o vindeiro mes de abril participaremos na Semana Santa Ferrolá acompañando coa nosa música a dous dos desfiles procesionais da Confradía das Dores. Se a chuvia o permite, claro está.

• Xoves 17 de abril. 

Procesión do Cristo da Misericordia e a Virxe da Piedade: Saída ás 23 horas da Praza de Amboaxe. Percorrido polas rúas do centro acompañando ao trono da "Oración na horta das oliveiras".

No Encontro do 2009. Xa choveu... ademais dese día.

•  Venres 18 de abril.

Procesión da Virxe da Dores & Santo Encontro: Saída ás 11:45 da Praza de Amboaxe. Encontro na Praza de Armas e regreso, acompañando ao trono da "Santa Verónica".

Xa veñen os reis... Cabalgata o 5 de xaneiro

O vindeiro domingo 5 de xaneiro, a Xove Banda de Narón fará a súa primeira actuación do ano 2014 acompañando ás súas maxestades de oriente no seu percorrido por Narón.
A cabalgata partirá ás 16 horas da Praza do Antigo Concello, en Xuvia, discurrindo pola Estrada de Castela rumbo á Praza de Galicia. Haberá que estar alí ás 15:45.

Máis información na web de Turismo de Narón.

Eh, temos cea o sábado!
Xa o saberedes todos, pero hai que estar ás 21.30 na parrillada do Couto.

A lista eu creo que está cerrada, pero si aínda non o sabiades, chamade á directiva canto antes!!

E ao día seguinte tedes que estar todos enteiros, que temos que tocar en O Couto, coma tódolos anos. Un saudiño!

Libramos o sábado!!

Ladies and gentlemen, despois dun alegre agosto con Illas Cíes e eventos futbolísticos de elevado nivel hai que volver ao choio. Mais non será este sábado, pois acaba de chegar un comunicado da directiva en correo aéreo certificado cunha foto de Paco tomando daiquiris no Caribe tropical e que di que non empezamos ata o día 14 de setembro, que nos quere moito e algo relacionado con praia e piñas coladas que non termino de entender.

Así que portádevos ben, meus reis, e descansade moito o sábado 7 para ir a tope óctuple no próximo ensaio. Biquiños.