PRIMEIRA.— O III Certame Galego de Bandas de Música terá lugar os días 27, 28 e 29 de novembro de 2008 na Sala “Ánxel Brage” do Auditorio de Galicia en Santiago de Compostela.
Poderán participar no III Certame Galego de Bandas de Música as bandas de música federadas de Galicia que o desexen. Os cadros de persoal e instrumentos das bandas serán os que figuren nos censos da Federación Galega de Bandas de Música Populares.
Formarase un Comité Organizador que será o órgano de goberno, administración e coordinación de todos os aspectos do certame e estará formado por membros da directiva da Federación Galega de Bandas de Música Populares de Galicia.
SEGUNDA.— Limítase o número de bandas de música participantes e o seu número de músicos, segundo as distintas categorías a:
Nesta clasificación de seccións inclúese a posible colaboración en cada banda de música de cinco instrumentistas alleos para cada sección. Ningún músico estará autorizado para actuar en dúas bandas de música inscritas na mesma sección.
TERCEIRA.— Para que unha sección poida ser constituída será necesaria a concorrencia á mesma dun mínimo de dúas bandas. No caso de que só haxa unha banda inscrita nunha sección, dentro do prazo previsto nas bases, instarase a esta banda a participar na sección anterior ou posterior de ser o caso.
CUARTA.— O prazo de inscrición comezará ás 9,00 h. do día 26 de xuño e finalizará ás 15,00h. do día 17 de xullo de 2009.
As solicitudes conforme ao modelo anexo a estas bases, deberanse presentar persoalmente na sede da federación en horario de luns a venres de 10,00 a 13,00h. Tamén poderán ser remitidas por correo certificado ou correo electrónico, sempre que quede constancia da súa recepción e se confirme inmediatamente por Fax, co fin de evitar os prexuízos que polo retraso na recepción puideran producirse.
A relación das bandas preinscritas será publicada na páxina Web da federación www.fgbmp.org antes do 20 de xullo de 2009.
QUINTA.— Rematado o prazo de preinscrición, realizarase un sorteo público ante o presidente do Comité Organizador ou persoa en quen delegue, para establecer as bandas seleccionadas, así como a orde da súa actuación. Será obrigatorio a asistencia dun representante de cada banda que participe no certame.
O sorteo realizarase o día 22 de xullo ás 20,00 h. na sala circular do Auditorio de Galiza. En dito sorteo escolleranse dúas bandas que quedarán en reserva, e que terán unha praza garantida na mesma sección na que se inscriben no Certame seguinte.
Tras o acto do sorteo e nese mesmo día, facilitarase aos representantes de cada unha das bandas seleccionadas a seguinte documentación:
SEXTA.- Antes do día 13 de agosto de 2009, as bandas seleccionadas entregarán a seguinte documentación:
A non presentación da documentación no prazo sinalado significará a renuncia da banda de música a participar no Certame, coa correspondente sanción establecida na base sexta.
O feito de concorrer a este Certame comporta a cesión á comisión Organizadora dos dereitos de imaxe e son, así como a documentación presentada conforme a estas bases.
SÉPTIMA.- Previo ao concurso, interpretarase o pasodobre de presentación. Xa en concurso, cada banda de música interpretará unha obra obrigada, proposta polo Comité Organizador, e unha obra de libre elección. As bandas de música interpretarán en primeiro lugar a obra obrigada e a continuación a obra de libre elección.
A Organización non se fai responsable das xestións legais que lles poidan afectar ás bandas de música polo uso das partituras das obras de libre elección.
A duración das obras de libre elección e os tempos totais de desviación que se lle permite a cada agrupación serán os seguintes:
| Sección | Duración | Desviación |
|---|---|---|
Especial | 20 min. | ± 5 min. |
Primeira | 20 min. | ± 5 min. |
Segunda | 15 min. | ± 5 min. |
Terceira | 10 min. | ± 5 min. |
O Xurado penalizará con 0,50 puntos por cada minuto que exceda o tempo límite establecido.
O escenario e as instalacións sobre as que se desenvolva o certame serán os mesmos para todas as bandas de música participantes nunha mesma sección. A dita instalación será competencia exclusiva do Comité Organizador e non se poderán introducir modificacións que non efectúe este comité. Será obrigatorio, para todas as bandas, o uso dos instrumentos de percusión que o Comité Organizador poña no escenario.
Se algunha destas bandas finalmente designadas para participar non o fixera, quedará inhabilitada para intervir no Certame durante dous anos consecutivos, sen prexuízo da indemnización de danos e prexuízos, que se estiman na contía mínima de 3.000 €, salvo concorrencia de forza maior.
OITAVA.— As bandas de música terán dereito a percibir en concepto de participación, as seguintes cantidades:
NOVENA.— Dentro de cada sección concederase un primeiro, un segundo e un terceiro premio, dotados economicamente ás bandas que alcancen a maior puntuación e ás restantes Diplomas de Participación.
DÉCIMA.— O xurado estará composto por cinco personalidades do mundo da música que actuarán como vogais, un presidente/a, proposto pola Consellaría de Cultura e Deporte que será unha persoa de recoñecido prestixio no ámbito musical, un secretario/a, con voz, pero sen voto.
Cada membro con dereito a voto poderá concederlle de 0 a 10 puntos sen fraccións a cada banda de música participante no certame por cada un dos seguintes aspectos: afinación, sonoridade (dinámica, planos sonoros, equilibrios harmónicos, etc.), interpretación e técnica, tanto na obra obrigada coma na de libre elección. A suma delas determinará os premios correspondentes.
As puntuacións maior e menor que os membros do xurado lle outorguen a cada unha das obras interpretadas, sempre que exista unha diferenza superior a tres puntos respecto á media, quedarán excluídas do cómputo total e serán substituídas pola media das tres restantes, sendo a puntuación total a resultante das sumas das parciais de cada unha das obras interpretadas.
A decisión do xurado darase a coñecer unha vez rematadas as actuacións de todas as bandas de música de cada sección, mediante unha acta que, asinada polos membros do devandito xurado, pasará a coñecemento do Comité Organizador para a súa difusión pública.
DÉCIMO PRIMEIRA.— A Consellaría de Cultura e Turismo, de acordo co criterio do xurado, concederalles ás bandas de música que obteñan a máxima puntuación os seguintes premios:
| 1º Premio | 2º Premio | 3º Premio | |
|---|---|---|---|
Sección especial | 3.000 € | 2.000 € | 1.000 € |
Sección primeira | 2.500 € | 1.600 € | 900 € |
Sección segunda | 2.000 € | 1.400 € | 600 € |
Sección terceira | 1.500 € | 1.000 € | 500 € |
A Consellería de Cultura e Turismo establece para cada sección un premio a interpretación dunha obra de libre elección de autoría ou temática galega, que segundo o criterio do xurado mereza tal recoñecemento. Este premio estará dotado con:
| Sección | Contía |
|---|---|
Especial | 1.200 € |
Primeira | 1.000 € |
Segunda | 800 € |
Terceira | 600 € |
A Federación Galega de Bandas de Música Populares concederá un premio ás Bandas de Música que acaden o 4º posto en cada sección. Este premio estará dotado con:
| Sección | Contía |
|---|---|
Especial | 600 € |
Primeira | 500 € |
Segunda | 400 € |
Terceira | 300 € |
DÉCIMO SEGUNDA.— As bandas de música inscritas interpretarán como obras obrigadas as seguintes:
Sección especial: O soño de Breogán de Juán Durán.
Sección primeira: Irmandiños de Juán Fernández Guzmán.
Sección segunda: A Revolta Irmandiña de Raúl Martín Niñerola.
Sección terceira: Terra de Oestrimnios de Andrés Álvarez Hernández.
As partituras das obras obrigadas estarán a disposición das bandas interesadas para a súa consulta na sede da Federación Galega de Bandas Música Populares. Tamén poderán ser consultadas accedendo coas claves da banda á páxina web da federación, no apartado descargas.
DÉCIMO TERCEIRA.- O Comité Organizador adoptará as medidas necesarias para informar, comunicar, enviar e recibir o material das bandas de música participantes no certame.
DÉCIMO CUARTA.— Para o control dos membros das bandas de música establécense os seguintes puntos:
1. Constitúese unha Comisión de Control que estará formada por dous membros designados pola Federación Galega de Bandas de Música Populares e obrigatoriamente por un delegado observador, de cada unha das bandas participantes no Certame.
2. A Comisión de Control será a entidade competente para controlar e vixiar a composición das agrupacións participantes. Para estes efectos queda plenamente facultada para adoptar cantas medidas sexan oportunas para realizar a tarefa de investigación, vixilancia e control e requirir e solicitar a documentación que estime necesaria das bandas de música participantes, utilizando así mesmo calquera dato dos listados das agrupacións incluídos na Federación Galega de Bandas de Música Populares.
Poderá formularlle ao Comité Organizador as propostas que considere convenientes, nos supostos de infraccións, descualificacións... Aplicándolles a todas as agrupacións o Regulamento de cadros de persoal de bandas de música para os efectos de certames competitivos establecido pola Federación Galega de Bandas de Música Populares.
3. Cada banda de música deberá comparecer cos seus propios músicos, sen reforzarse ou completarse con intérpretes doutras agrupacións musicais, salvo os alleos expresamente permitidos nestas bases. O criterio básico de adscrición dun músico a unha banda de música é pertencer a esta de maneira real e efectiva. Para acreditalo deberá presentar o seu documento de identidade (DI).
4. Todas as bandas de música presentaranse no lugar da actuación, coa antelación suficiente, conforme os horarios que fixe o Comité Organizador. A banda de música que no momento da súa actuación non estea presente no lugar no que se desenvolva o certame quedará eliminada automaticamente.
DÉCIMO QUINTA.— O Comité Organizador tomará as medidas oportunas para asegurar o correcto desenvolvemento do certame. No caso de que algunha proba teña que ser aprazada ou interrompida por causa xustificada, o comité arbitrará as medidas oportunas para o seu posterior desenlace.
DÉCIMO SEXTA.— O Comité Organizador aprobará as normas de funcionamento que serán de obrigatorio cumprimento e que se incluirán como anexo a estas bases.
O non cumprimento das normas do funcionamento do certame dará lugar a unha penalización de dous puntos.
DÉCIMO SÉPTIMA.— A sede oficial do Comité Organizador do certame será a da Federación Galega de Bandas de Música Populares.
DÉCIMO OITAVA.— Finalizado o certame, cada banda de música participante que o solicite poderá coñecer na Federación as actas do xurado cos resultados obtidos e os detalles dos votos emitidos con respecto á súa agrupación.
DÉCIMO NOVENA.— Toda a información do certame poderá se consultada na páxina WEB da Federación Galega de Bandas de Música Populares.
DÉCIMO NOVENA— A inscrición no Certame implica a completa aceptación das súas bases. As decisións tomadas polo Comité Organizador na execución e desenvolvemento das presentes bases e todas aquelas cuestións non previstas resolveranse, en cada caso, de maneira irrevogable polo propio comité.
O pasado sábado o pazo encheuse coa música dos alumnos das nosas escolas de música. Os alumnos dos distintos intrumentos actuaron pola seguinte orde: violoncello, saxofón, frauta, clarinete, trompa, conxunto de metal (trompeta, trombón, bombardino e tuba), oboe e percusión.
| Concierto de Sementeira y estreno de Carrachanacacha
Un poco más tarde, a las ocho, el grupo de teatro Carrachanacacha -nacido en el seno de la asociación Aturuxo de Melpómene- estrenará una obra de título peculiar. Se trata del montaje Comendo pementos de Padrón con Tarantino , una comedia «surrealista» escrita y dirigida por Leandro Lamas que habla sobre una joven que quiere ser cantante, su madre y su amante platónico, un pianista de lo más curioso.
© Copyright LA VOZ DE GALICIA S.A.
